Natural make up tutorial-ميك اب ناعم.m4v

make up tutorial - ميك اب خفيف.m4v

Bronz Make up and Cat Eyes - ميك اب برونز للصيف والكات ايز.m4v

Arabic Makeup - ميك اب ثقيل.m4v

make up tutorial haifa wahbi inspired look - ميك اب ثقيل لوك هيفا وهبي

.،

  لوكي ثالث يوم العيد 

رابط الفيديو

Amal Alawadi inspired look

.،


السلام عليكم ..
اليوم سويت لوك يديد للعيد
لوك امل العوضي في برنامجها اللي برمضان
وان شاء الله يعجبكم .،

رابط الفيديو


.،

قلتر

.،

اليوم سويت ميك اب صج صج ماتخيل نفسي اطلع فيه

بس في بنات اطلبوه مني وسوري ماسويته بفيديو مثل 

ماقلت لكم بس جذي اسهل لي بالصور ماياخذ وقت

خصوصا ان انا عندي فيديو مصورته حق ميك اب امل العوضي 

ابي احطه قبل العيد وللحين مامنتجته فا تكيلست اني اسوي فيديو ثاني 

انشاءالله الشرح بالصور يكون واضح ويعجبكم ..

هاي هو اللوك اللي طلبوه 

 تري مو انا اللي فالصوره

وهاي النتيجه على عيني

 

الخطوات .،

انا ماعندي صمغ القلتر

 عشان جذي استعملت بداله ايلاينر قلتر من مكياجي

عقب ماكحلت عيني دمجته بهالفرشه

 

حطيت اللون اللي قبل الاخير

من نيكد على الكريس

دمجت الرمادي مع هاللون بين الجفن 

وتحت الحاجب

 

حيت هاللون تحت حواجبي

مسحت القلتر اللي متنثر وحطت الفونديشن مره ثانيه ولبست عدستي

وحطيت المسكرا 

 هاي هو اللوك النهائي انشاء الله الشرح

يكون سهل وفهمتوه انا ماكتبت وايد لاني احس الصور تكفي

 

color tattoo maybelline

السلام عليكم .،

هاي اول بوست لي وناويه انشاءالله كل كم يوم 

احط بوست يديد واتكلم فيه عن شي 

سواء ان كنت احبه او كنت اكرهه

ما راح اتكلم عن شي موب عن تجربه كل شي 

راح اجربه وراح اقولكم رايي فيه بصراحه 

وممكن الشي يعجبكم ومايعجبني هاي طبعا

كل وحده وراييها وشنو نوع بشرتها مو كلنا نفس البشره

عشان جذي موب كل شي بيكون اوكي على بشرتي 

راح يكون اوكي علي بشرتج .،

اليوم بتكلم عن الكلور تاتو من ميبيلن ..

هاذي اهوا وانا ماخذت منه الا ٤ الوان لان ماحسيت باقي الالوان راح استعملهم

بنفسجي وازرق وبرتقالي يعني مو ستايلي ماحب هالالوان فالميك اب 

احب درجات البني والبيج والرمادي والاسود 

 هو عباره عن شدو كريمي تقدرون تستملونه بروحهه

وتقدرون تستعملونه كبس حق الشدو ومثل ماكاتبين عليه يبقى ٢٤ ساعه

طبعا انا ماصدقت فالبدايه قلت جذي بس دعايه عشان نشتريه

بس والله ماكذب انه تم من ٣ العصر سافرت رحت السعوديه ورجعت الساعه ٧ الصبح تخيلوا

والله ماراح صح خف شوي بس ماراح وماعدلت عليه كلش

وانا استعملته كبيس حطيته وعقب حطيت فوقه شدو عشان يثبت اكثر

 افكر اروح اشتري زياده عشان لخلصو

اللي عندي ماتوهق حبيتهم من قلببببببببببب 

 وسعرهم بعد وايد حلوووو 

 

 

المهم هاي الالوان اللي خذتها .. 

الرمادي الغامج والنحاسي على برونز والذهبي والبني اللي علي رمادي

هاللون اكثر لون حبيته صج لون حلووو 

غريب ماعرف شلون اوصفه بني على رمادي

 

انشاء الله يعجبكم هالبوست 
واي وحده جربته خل تقولي راييها فيه ابي اعرف تجربتكم .،